קיין חרטה: טראמפ פארטיידיגט די מלחמה קעגן איראן, ווארנט אז טעהעראנ'ס ראקעטן קענען טרעפן אמעריקאנער שטעט

פרעזידענט דאנאלד טראמפ האט מאנטאג ביי א קאמפיין ראלי אין מיסיסיפי שארף פארטיידיגט די אמעריקאנער מיליטערישע קאמפיין קעגן איראן, און ערקלערט אז וואשינגטאן האט נישט געהאט קיין אנדערע ברירה ווי זיך אנצושטעלן קעגן טעהעראנ'ס וואקסנדע מיליטערישע כחות און אטאמישע אמביציעס. דער פרעזידענט האט געווארנט אז איראנער ראקעטן קענען מיט דער צייט סטראשען גרויסע אמעריקאנער שטעט, באשטאנען אז איראן האט אנגעהויבן די יארצענדליגע קאנפראנטאציע מיט אמעריקע, און געהאלטן אז מיליטערישע אקציע איז געווען נויטיג, נישט קוקנדיג אויף די מעגליכע עקאנאמישע פאלגן.