ליכוד אין פארנט: נתניהו רופט פאר א רעכטע רעגירונג, ווארנט קעגן זיך פארלאזן אויף אראבישע פארטייען

דער פרעמיער מיניסטער פון מדינת ישראל, בנימין נתניהו, האט מיטוואך פרי אינדערפרי דערקלערט אז דער ליכוד איז ארויס די גרעסטע פאליטישע פארטיי אין לאנד ביי די בחירות פאר די 26'סטע כנסת. ער האט גערופן די רעכטע און ציוניסטישע פאליטישע כוחות אין לאנד זיך צו פאראייניגן הינטער א נייע רעגירונג, און געווארנט אז א רעגירונג וואס איז אנגעוויזן אויף אראבישע פארטייען וועט שטעלן אין סכנה די זיכערהייט פון מדינת ישראל.