געוואלד-אויסברוך: פאליציי שליידערט שאק-גראנאטן אויף חרדי'שע פראטעסטירער נעבן בני ברק, מער ווי 25 פארוואונדעט

שווערע צוזאמענשטויסן האבן אויסגעבראכן דאנערשטאג נאכמיטאג נעבן בני ברק, ווען די פאליציי האט גענוצט שאק-גראנאטן צו צעטרייבן א דעמאנסטראציע וואס דער פלג הירושלמי האט ארגאניזירט קעגן די ארעסט פון א ישיבה בחור. מער ווי 25 מענטשן זענען פארוואונדעט געווארן, און ווייניגסטנס צען פון זיי האבן געדארפט אריינגענומען ווערן אין האספיטאל, דערונטער עטליכע מיט וואונדן אין קאפ.