שוידערליכע טראגעדיע אין נעפאל: צוויי העליקאפטערס צוזאמגעשטויסן אינמיטן פליען, איין טויטער.

צוויי העליקאפטערס וואס געהערן צו טוריזם פלי פירמעס האבן זיך צוזאמגעקראכט העכער די לופטן און זענען אראפגעפאלן אינעם סאלוכומבו דיסטריקט אין נעפאל, נישט ווייט פונעם עווערעסט ראיאן.
די פאליציי האט באשטעטיגט אז אן אינדיאנער טוריסט איז ליידער אומגעקומען אינעם עקסידענט, און אמווייניגסטנס איין לאקאלער נעפאלעזער בירגער איז פארוואונדעט געווארן.
די סיבה וואס האט צוגעברענגט צו דעם שרעקליכן צוזאמשטויס ווערט נאך דערווייל אויסגעפארשט דורך די באהערדע.
מענטשן וואס זענען געשטאנען אויף די ערד האבן געהאט א גרויסן נס און זענען ניצול געווארן פון א זיכערן טויט.