ח"כ יעקב אשר פון יהדות התורה האט היינט צופרי גערעדט מיט פרעמיער מיניסטער נתניהו, און אים געזאגט אז יהדות התו…
ח"כ יעקב אשר פון יהדות התורה האט היינט צופרי גערעדט מיט פרעמיער מיניסטער נתניהו, און אים געזאגט אז יהדות התורה האט נאכנישט באשלאסן וועמען צו רעקאמענדירן פארן פרעזידענט צו שטעלן די קומענדיגע רעגירונג. די פארטיי ווארט אז גדולי ישראל שליט"א זאלן זיך אומקערן פון זייער נסיעה אין חוץ לארץ, וואו זיי זאמלען געלט פאר מוסדות התורה. נתניהו האט געזאגט פאר אשר אז ער האלט נאך אלס ביי פארענדיגן דעם גיוס געזעץ, און ער האט אונטערגעשטראכן אז מ'מוז פארמיידן אז עס זאל זיך אויפשטעלן א לינקע רעגירונג, געשטיצט דורך פארטייען וועלכע ער האט אנגערופן שטיצער פון טעראר.