בילדער-משוגעת אין שידוכים: הרב ברוך ראזענבלום שליט"א שטורעמט קעגן אפזאגן מיידלעך לויט בילדער

אין א פייערדיגע און אומגעווענליך שארפע דרשה, האט דער באקאנטער מגיד הרב ברוך ראזענבלום שליט"א שארף קריטיקירט די וואקסנדע ערשיינונג פון ישיבה בחורים וואס זאגן אפ שידוכים נאר לויט בילדער. ער האט געווארנט אז די ערשיינונג ברענגט א געוואלדיגן שאדן פאר די שידוכים וועלט, און פארהינדערט אז שידוכים וואס האבן געקענט זיין געלונגען זאלן בכלל ווערן באטראכט.