מדינת ישראל'ס עירפארט אפעראציע טימס האבן היינט רעאגירט אויף צוויי באזונדערע עמערדזשענסיס מיט עראפלאנען.

אין ראמאן עירפארט האט אן אמעריקאנער עיר פארס KC-135 טאנקער פלעין, וואס האט געטראגן 80 טאן ברענשטאף, דערקלערט א פולע עמערדזשענסי צוליב א פראבלעם מיט מאטאר #4, מיט דריי קרו מעמבערס אויפ'ן פלעין. דער עראפלאן איז ב"ה געלאנדעט בשלום.
אין הערצליה עירפארט האט א קליינער עראפלאן (4X-CDO) דערקלערט אן עמערדזשענסי מיט איין מענטש אויפ'ן פלעין, און איז געלאנדעט בשלום דריי מינוט שפעטער.
ביידע אינצידענטן האבן זיך ב"ה געענדיגט בשלום, מ'האט נישט באריכטעט פון קיין פארוואונדעטע, און די נארמאלע אפעראציעס האבן זיך ווידער אנגעהויבן.